ESTAMOS EN FORMA?

DÉIXOVOS AQUÍ O ENLACE AO PROGRAMA "MÓVETE CONNOSCO NA CASA" DA XUNTA DE GALICIA, ONDE NOS VAN PROPOÑENDO UNHA SERIE DE RETOS DE EDUCACIÓN FÍSICA QUE PODEMOS FACER DESDE A CASA.

POÑÉDEVOS A PROBA E INTENTADE FACELOS, XA VEREDES QUE DIVERTIDOS SON!

MÓVETE CONNOSCO NA CASA

SEGUIMOS COA ARTE!

COÑECEDES A LEANDRO LAMAS? É UN PINTOR GALEGO QUE NOS ENSINA NAS SÚAS REDES SOCIAIS A PINTAR TAN BEN COMA EL. PARA ISTO, TEMOS QUE SEGUIR, PASO A PASO, O DEBUXO QUE EL VAI FACENDO. AO REMATAR, CADA ARTISTA COLOREA E DEBUXA OS DETALLES QUE MÁIS LLE GUSTEN. ANIMÁDESVOS A PROBAR?

NESTE VÍDEO PODEDES OBTER MÁIS INFORMACIÓN:

LEANDRO LAMAS

ÁNIMO!!!! MANS Á OBRA!!!

NOVAS PROPOSTAS PROXECTO

OLA! DÉIXOVOS AS PROPOSTAS PARA ESTA SEMANA DO EQUIPO DE INFANTIL SOBRE O PROXECTO. ESPERAMOS QUE VOS GUSTEN!

TAREFAS GALEGO

TAREFAS CASTELÁN

AVISO:  SE QUEREDES ENVIARLLE AS PROPOSTAS DE INGLÉS Á TEACHER DÉIXOVOS AQUÍ O SEU CORREO XA QUE HAI UN ERRO NOS DOCUMENTOS rachelatsalgadoschool@gmail.com

 

DÍA DO LIBRO

HOXE, DÍA 23 DE ABRIL, CELÉBRASE O DÍA DO LIBRO, AQUEL ELEMENTO MÁXICO QUE NOS PERMITE VIAXAR A MUNDOS INSOSPEITADOS E QUE TAN BOS MOMENTOS NOS FAI PASAR.

PROPÓÑOVOS QUE VISITEDES O BLOG DA BIBLIOTECA DO COLEXIO, NO QUE HAI COLGADAS ACTIVIDADES MOI INTERESANTES SOBRE ESTA TEMÁTICA. DÉIXOVOS AQUÍ O ENLACE:

BIBLIOTECA SALGADO TORRES

ASÍ MESMO, DÉIXOVOS OS SEGUINTES ENLACES A CONTOS MOI INTERESANTES, ALGÚNS DELES CON PICTOGRAMAS:

LA LLAVE DE LOS SUEÑOS
UNA GALLINA EN LA AZOTEA
POR EL CAMINO
OREJAS DE MARIPOSA
ASÍ ES MI CORAZÓN
LA VACA QUE PUSO UN HUEVO
LOS LOBOS QUE VINIERON A CENAR
RESPIRA
LA OVEJA QUE INCUBÓ UN HUEVO
EL LIBRO DE LOS ABRAZOS
TOPITO TERREMOTO
TE QUIERO TAL COMO ERES
EL MEJOR LIBRO DEL MUNDO
LOS SECRETOS DEL ABUELO SAPO
LOLA: MONSTRUO
EL PEQUEÑO PIGMEO
LA SELVA LOCA

NON VOS ESQUEZADES...

SEGUIDE SEMPRE, SEMPRE LENDO!

FOMENTAMOS A NOSA CREATIVIDADE!

HOXE TRÁIGOVOS UN ENLACE QUE ME PARECEU AXEITADO PARA FOMENTAR A NOSA CREATIVIDADE. A REVISTA "MUY INTERESANTE JUNIOR" FÁLANOS NUN DOS SEUS ARTIGOS SOBRE COMO PODEMOS CREAR UN COLLAGE.

SABEDES O QUE É UN COLLAGE? FIXESTES ALGUNHA VEZ UN? DÉIXOVOS AQUÍ O ENLACE PARA QUE POIDADES INVESTIGAR:

MUY INTERESANTE JUNIOR

DESPOIS DE VER ESTE VÍDEO, ATREVÉDESVOS A CREAR UN COLLAGE? IMOS POÑERNOS MANS Á OBRA. ESTOU SEGURA DE QUE FAREDES AUTÉNTICAS OBRAS DE ARTE!

RECORDADE QUE PODEDES EMPREGAR PAPEL DE CALQUERA TIPO (XORNAL, REVISTAS, FOLIOS DE CORES OU EN BRANCO) E AXUDARTE CON PEGATINAS, SE O DESEXAS. TEDES A LIBERDADE PARA ELIXIR OS MATERIAIS QUE DESEXEDES. COLLE PEGAMENTO, TESOIRAS, PAPEL E... MANS Á OBRA!

RETO MOTRIZ

OLA A TODOS E TODAS!

HOXE DÉIXOVOS UN NOVO RETO MOTRIZ. PODEDES DICIRLLES AOS VOSOS IRMÁNS/ IRMÁS OU PAIS E NAIS QUE XOGUEN CON VÓS. XA VEREDES QUE BEN O PASADES! 

CONSISTE NUN XOGO DA OCA. CADA UN DE VÓS DEBERÁ ESCOLLER UNHA FICHA. PREMEDES NO DADO QUE APARECE ABAIXO Á ESQUERDA E TEREDES QUE AVANZAR TANTAS CASILLAS COMO VOS INDIQUE O DADO. UNHA VEZ QUE ESTEADES NA CASILLA CORRESPONDENTE, PREMEDE NELA E TEREDES QUE REALIZAR O RETO MOTRIZ QUE VOS INDIQUE. SE NON O CONSEGUIDES TEREDES QUE RETROCEDER DÚAS CASILLAS.  

MOITO ÁNIMO! 

PARA ACCEDER AO XOGO PREMEDE NO ENLACE QUE VOS DEIXO A CONTINUACIÓN CO NOME "RETO MOTRIZ".

RETO MOTRIZ

NOVAS PROPOSTAS SOBRE A INDIA

O EQUIPO DE EDUCACIÓN INFANTIL PROPONVOS NOVAS TAREFAS VOLUNTARIAS PARA REALIZAR SOBRE O PROXECTO DE VIAXES NO QUE ESTAMOS INMERSOS. ESTADES PREPARADOS/AS?

DÉIXOVOS A CONTINUACIÓN OS ENLACES ÁS DIFERENTES PROPOSTAS:

GALEGO

CASTELÁN

SCAPE ROOM EDUCATIVO

HOXE DÉIXOVOS O ENLACE A UNHA PÁXINA CUN RECURSO MOI DIVERTIDO QUE NOS PERMITIRÁ CONVERTERNOS EN DETECTIVES EN FAMILIA POR ALGÚN TEMPO.

SE PREMEDES NO ENLACE QUE APARECE A CONTINUACIÓN VEREDES DIFERENTES SCAPE ROOM, QUE SON XOGOS ONLINE NOS QUE O ALUMNADO TEN QUE RESOLVER DIVERSAS PISTAS PARA CONSEGUIR SAÍR DUNHA HABITACIÓN. É NECESARIO DA AXUDA DALGÚN FAMILIAR.

ESTADES PREPARADOS/AS ??

 

SCAPE ROOM

GRANDES LECTORES

DÉIXOVOS AQUÍ TRES FERMOSOS CONTOS PARA QUE POIDADES LER EN FAMILIA. XA VEREDES COMO OS DISFRUTADES! SE PREMEDES NO NOME DO CONTO QUE QUEIRADES REMITIRAVOS AO MESMO.

RANA DE TRES OJOS

PÁJARO AMARILLO

LEOTOLDA

INICIO DO TERCEIRO TRIMESTRE

OLA A TODOS E TODAS! 

O PROFESORADO ESTAMOS Á ESPERA DE NOVAS INSTRUCIÓNS PARA SABER COMO AFRONTAR ESTA TERCEIRA AVALIACIÓN QUE HOXE INICIAMOS.

PORÉN, MENTRES TANTO O EQUIPO DE CICLO DE INFANTIL COMEZAMOS A ELABORAR UNHA SERIE DE PROPOSTAS DIARIAS QUE PODEDES IR FACENDO, DE MANEIRA VOLUNTARIA, COS NENOS E NENAS. 

ESTAS PROPOSTAS ESTARÁN ACCESIBLES NA PÁXINA WEB DO CENTRO , ASÍ COMO NAS REDES SOCIAIS DO PROFESORADO DE INFANTIL. A MAIORES, DÉIXOVOS AQUÍ O ENLACE ÁS MESMAS: 

ACTIVIDADES EN GALEGO

ACTIVIDADES EN CASTELÁN

TODOS SOMOS DIFERENTES

HOXE, DÍA 2 DE ABRIL É O DÍA MUNDIAL DE CONCIENCIACIÓN SOBRE O AUTISMO. 

INVÍTOVOS A TODOS E TODAS VÓS A LER COS VOSOS FILLOS E FILLAS ESTE CONTO TAN FERMOSO QUE NOS RECORDA QUE TODOS E CADA UN DE NÓS SOMOS DIFERENTES PERO, MALIA ISTO E TAMÉN ÁS DIFICULTADES QUE NOS PODEMOS ATOPAR POLO CAMIÑO, TODOS TEMOS DIFERENTES SUPERPODERES, SÓ TEMOS QUE APRENDER A UTILIZALOS. 

NON O ESQUEZADES! O QUE NOS DIFERENCIA FAINOS ESPECIAIS. POR ISO TEMOS QUE BUSCAR SEMPRE O MELLOR DOS DEMAIS, RESPECTANDO DIFERENZAS E APRENDENDO DELAS.

FACEMOS ALGO DE EXERCICIO?

HOXE VOUVOS PROPOÑER UNHA SERIE DE RETOS DE MOVEMENTO... ESTADES LIST@S??

RETO 1: CONVERTÉMONOS EN EQUILIBRISTAS

CON ESTE RETO IMOS MELLORAR O NOSO EQUILIBRIO. SE TES NA CASA UN CORREDOR OU UNHA ZONA LIBRE DE OBSTÁCULOS INTENTA PERCORRER ESE CORREDOR CUN CADERNO RIBA DA CABEZA SEN QUE ESTE CAIA AO CHAN E SEN TOCALO.

QUE TAL? COMO VOS RESULTOU? 

IMOS COMPLICALO UN POUCO! AGORA COLLEDE DÚAS BÓLAS DE PAPEL E INTENTADE LEVALAS RIBA DA MAN SEN QUE CAIAN E SEN AGARRALAS.

INTENTADE TAMÉN FACER ESE MESMO PERCORRIDO CUNHA SOA PERNA.

RETO 2: FACEMOS ALGO DE TEATRO. 

PODEDES RECREAR UNHA ESCEA E OS VOSOS IRMÁNS OU IRMÁS OU OS VOSOS PAIS E NAIS TEÑEN QUE TRATAR DE ADIVIÑALA.

RETO 3: IMOS CON ALGO DE ALFABODY.

ISTO CONSISTE EN REPRESENTAR AS LETRAS DO ALFABETO CO NOSO CORPO E COA AXUDA DE MÁIS PERSOAS. UNHA VEZ QUE SE NOS OCORRA COMO REPRESENTAR AS DIFERENTES LETRAS PODEMOS XOGAR A CREAR DIFERENTES PALABRAS E QUE OUTRO MEMBRO DA NOSA FAMILIA INTENTE ADIVIÑAR O QUE PON.

RETO 4: ENCESTAMOS?

IMOS TRABALLAR OS LANZAMENTOS E PUNTERÍAS! TEDES QUE CREAR BOLIÑAS DE PAPEL DE PERIÓDICO OU REVISTA. TAMÉN PRECISADES UNHA PAPELEIRA PARA PODER ENCESTAR. 

PODEDES CREAR UNHA COMPETICIÓN. CADA UN DOS PARTICIPANTES TERÁ 4 BÓLAS DE PAPEL E TEREMOS QUE VER QUEN É O QUE MÁIS ENCESTA. 

DESPOIS PODEDES IR AUMENTANDO A DIFICULTADE E POÑERVOS DESDE MÁIS LONXE, CAMBIAR DE MAN PARA LANZAR, PECHAR OS OLLOS E INTENTAR LANZAR, CAMBIAR DE POSICIÓN...

RETO 5: SEGUIMOS COA PUNTERÍA! IMOS XOGAR AOS BIRLOS!

PARA ISTO PRECISADES DIFERENTES BOTELLAS DE PLÁSTICO QUE PREVIAMENTE DEBEREDES DECORAR E TAMÉN UNHA PELOTA. TEREDES QUE INTENTAR DERRIBAR O MÁXIMO NÚMERO DE BIRLOS POSIBLES.

RETO 6: SOMOS MALABARISTAS

NESTE RETO PODEDES USAR AS BÓLAS DE PAPEL QUE EMPREGASTES NO RETO 4 E PODEDES FACER OS SEGUINTES EXERCICIOS DE MALABARES:

- LANZAMOS A BÓLA CON DÚAS MANS E RECOLLÉMOLA TAMÉN COAS DÚAS.

- LANZAMOS A BÓLA CON DÚAS MANS E RECOLLÉMOLA CUNHA SOA.

- LANZAMOS A BÓLA CON DÚAS MANS E RECOLLÉMOLA COA MAN DEREITA/ ESQUERDA

- LANZAMOS DÚAS PELOTAS Á VEZ E INTENTAMOS COLLER AS DÚAS TAMÉN Á VEZ.